Projektligji “Për transportin rrugor” që synon të reformojë rrjetin kombëtar duke e përshtatur me ndarjen e re administrative territoriale, pritet të miratohet në seancën plenare të radhës.
Pas miratimit nen për nen nga Komisioni i Ligjeve, pritet të bëhet edhe votimi në seancë plenare, duke i hapur rrugë rishikimit të të gjitha lejeve e licencave brenda një afati 6-mujor.
Gjatë shqyrtimit të nismës në Kuvend, përfaqësuesit e ministrisë së Transporteve bënë të ditur se do të jetë pushteti vendor ai i cili do të miratojë linjat e transportit publik dhe do të japë licencat konform rrjetit përkatës të miratuar.
Nisma pritet të prekë në mënyrë direkte të gjitha drejtuesit e mjeteve të transportit rrugor, përfshirë ata të autobuzëve e mjeteve të transportit 8 plus 1. Një nga problematikat e konstatuara me transportin publik është licencimi i më shumë mjeteve të transportit sesa ka nevojë tregu.
