Në lidhje me draftin e qeverisë për kriminalizimin e shpifjes kanë reaguar në rrjetin social Presidenti Nishani si dhe kryetari i Partisë Demokratike Lulzim Basha.
Në postimin e tij Nishani e cilëson draftin e qeverisë është abuziv. Presidenti thekson se ai vetë është bërë shpesh pre e shpifjes kur ka mbajtur poste publike, qoftë si minstër apo President, duke shtuar se dënimi i gazetarëve dhe i lirisë së fjalës është një goditje ndaj demokracisë.
“E gjykoj kufizim të lirisë së shprehjes dhe cënim të standarteve demokratike të arritura deri më tash me kontributin e të gjitha paleve politike në vend. Sigurisht, shpifja është një gjest i ulët kudo dhe kurdo e sidomos kur përdoret mirëfilli për qëllime politike ajo shfaq gjithë shëmtinë e saj. Jo pak herë si politikan, si ministër, si President i Republikës kam qënë dhe vazhdoj të jem objekt i tyre, por kam besuar dhe vazhdoj të besoj se burgosja e një gazetari është burgosje jo vetëm e fjalës, por e vetë lirisë, është goditje e sistemit demokratik, papajtueshmëri me të. Ndërmjet frikës për t’u shprehur dhe lirisë së shprehjes unë do të bëj çdo ditë të punës sime betejën për këtë të fundit. Jam i bindur se shqiptarët të cilët 25 vjet më parë, në dhjetor, me protestat e studentëve vranë frikën për të fituar lirinë e fjalës nuk do t’ja dorëzojnë askujt liritë e fituara. Nuk do ta burgosin fjalën në emër të frikës, por frikën për fjalën”- shkruan Nishani.
Kete reagim kreu i shtetit e ka postuar edhe n faqen zyrtare ne Facebook dhe e ka shoqeruar me kete foto.
Ndërkohë lideri demokratëve Lulzim Basha i cilëson si marifete, të cilat nuk do të mund të trembin askënd.
“Burracaku Rama kercenon me burg mediat dhe gazetaret qe nuk arrin ti shantazhoje apo bleje e qe kane kurajon te nxjerrin ne drite skandalet, korrupsionin, vjedhjen, ortakerine e tij me krimin.
E di dhe vete ky kokosh poturembushur se nuk ka asnje shans te trembe askend. Era e hajduterise se tij dhe bandes se tij po qelb Shqiperine. Nuk shpeton dot me marifete te tilla. Nuk do te arrije kurre ti mbylle gojen as opozites, as medias se lire as qytetareve. Ai dhe banda e tij do te japin llogari.”
