Televizioni News24 ka siguruar draftin për Byronë Kombëtare të Hetimit, për të cilin palët kanë rënë dakord. Sipas projektligjit, drejtori i Byrosë Kombëtare të Hetimit, emërohet e shkarkohet nga Këshilli i Lartë i Prokurorëve. Gjithashtu në draft thuhet se Drejtori i Byrosë mund të zgjidhet nga radhët e Policisë, nga Policia Gjyqësore ose anëtarët e Byrosë. Po kështu, hetuesit e Byrosë mund të zhvillojnë hetime nën drejtimin e Prokurorisë së Posaçme.
BKH do të funksionojë si seksion i specializuar i Policisë Gjyqësore. Në kuadër të reformës në drejtësi, u zhvillua në Durrës tryeza e konsultimeve për paketën e Projektligjeve që kanë të bëjnë me organizimin e prokurorisë, prokurorinë speciale dhe Byronë Kombëtare të Hetimit.
Eksperti i nivelit të lartë Artan Hoxha shpjegoi risitë e projektligjit për organizimin e prokurorisë. Nga ana e tij zoti John Smibert shpjegoi edhe projektligjin për prokurorinë speciale si dhe për Byronë Kombëtare të Hetimit.
BW/d.i.
