Drafti i reformës në drejtësi futet në kalendarin e punimeve 3 javore të kuvendit, teksa pritet që pas marrjes në shqyrtim nga ana e komisionit të ligjeve, drafti të shkojë në parlament. Por përveç draftit të ndryshimeve kushtetuese, në kalendar nuk janë futur ende 7 ligjet që shoqërojnë reformën dhe e bëjnë atë funksionale. Ligjet në fjalë janë ende duke u shqyrtuar në komisionin e posaçëm të reformës në drejtësi dhe pritet që të jenë gati deri më 15 korrik.
Kalendari 3 javor i punimeve të parlamentit i përket periudhës 4 deri më 22 korrik, teksa votimi i reformës me shumë gjasa mund të ndodhë më 21 korrik.
Sakaq ditën e djeshme në parlament, PD përmes dy prej eksponentëve të saj më të lartë, Berisha e Topalli, ka dalë haptazi kundër dirigjimit të procesit të vetingut nga ana e ekspertëve ndërkombëtarë. Si Berisha e ashtu Topalli kanë shprehur votën e tyre kundër reformës, me argumentin se një proces kontrolli dhe filtrimi i të gjithë gjyqtarëve e prokurorëve është i papranueshëm.
vijon…
