Prokuroria për Krimet e Rënda ka vendosur sot mbi fatin e dosjes “Tahiri”.
Prokurorët e çështjes janë mbledhur këtë të hënë për të diskutuar mbi hetimet për ish-ministrin e Brendshëm, dhe kanë vendosur zgjatjen e tyre me tre muaj.
Shkak i shtyrjes së hetimit është bërë pritja e përgjigjes së një letërporosie nga Bari lidhure me pyetjen e Frederico Silvestrit.
Hetimet ndaj ish-ministrit nisën në Tetor të vitit të kaluar, ndërsa Prokuroria e krimeve të rënda ka zgjatur disa herë afat e hetimet, pasi nuk ka mundur të sigurojë të gjitha provat që implikojnë Tahirin në trafikun e drogës me Habilajt.
Në 12 Maj, Gjykata e Shkallës së Parë për Krimet e Rënda caktoi masën e sigurisë arrest shtëpie për Tahiri, vendim i cili u prish nga Gjykata e Apelit dy javë më vonë. E njëjta gjë ndodhi dhe me bllokimin e pasaportës në muajin Dhjetor të vitit të kaluar. Aktualisht Saimir Tahiri po hetohet në gjendje të lirë.
Ish-Ministri i Brendshëm akuzohet se ka bashkëpunuar me grupin e Habilajve për trafikim të lëndëve narkotike dhe shpërdorim detyre.
Prokuroria e akuzon edhe për korrupsion ish-ministrin, pasi ka përfituar dhurata nga Habilajt për shkak të ndihmës që ka dhënë. Pavarësisht akuzave, ish-ministri gjithmonë i ka mohuar ato.
Nderkohe dje, Tahiri me anë të disa fotove në rrjetet, tregoi se si po e kalonte ditën.
Nga fotografitë duket se është shumë i relaskuar, dhe nuk e ka mendjen fare tek vendimi që do të marrë gjykata për të/a.ç
