Biznesmeni Fatmir Bektashi nuk e ankimon masën e sigurisë “detyrim paraqitje” të dhënë nga GJKKO për çështjen “Partizani”.
“Nuk e ankimova, jam i gatshëm të përballem dhe të jem në dispozicion të drejtësisë sepse nuk kam gabuar dhe nuk kam pas kurrë një kundërvajtje administrative jo më vepër penale.”
Nga ana tjetër, njëri prej avokatëve të Jamarbër Malltezit, Klodian Skënderi ka dorëzuar ankimimin për vendimin e Gjykatës së Posaçme, e cila vendosi masën “Arrest me burg” disa ditë më parë.
Ajo theksoi se nuk vërtetohet kjo dhe nëse nuk ka korrupsion, atëherë nuk ka dhe pastrim parash, duke nënvizuar se ka prova që provojnë mosimplikimin e Jamarbër Malltezit në këtë çështje.
“Nuk e dija që armiku isha unë. Procedurat për privatizimin e objektit kanë nisur në vitin 2000. Është firmosur inventarizimi nga kryeministri aktual që është Edi Rama, i cili ka qenë kryetar bashkie”, tha Malltezi, sipas gazetares së Top Channel, Anila Hoxha.
Sipas Malltezit, zona ka qenë pjesërisht sportive dhe pjesërisht zonë banimi, jo pjesërisht sportive sikurse e përmend akuza.
Në dëshminë e siguruar nga Top Channel, akuzat ndaj tij, Malltezi i cilësoi sulm politik, ndërsa akuzoi Prokurorinë e Posaçme se ka marrë për bazë “fotokopje” gjithçka ka thënë akuzuesi kryesor në këtë çështje, Taulant Balla.
