Gjykata e Apelit të Posaçëm shqyrton sot ankimin e bërë nga 6 të arrestuarit e dosjes “Metamorfoza”, të cilët kanë ankimuar masat e sigurisë arrest me burg të dhëna në gjykatën e Shkallës e Parë ndaj tyre.
Ata kërkojnë caktim të masave të sigurisë më të buta, duke këmbëngulur për mungesë provash por edhe duke mohuar akuzat e ngritura nga SPAK ndaj tyre.
Të arrestuarit që përballen sot në gjyq janë biznesmeni Pëllumb Gjoka, ish-shefi i Forcave Operacionale Oltian Bistri dhe ish-drejtuesi i Prokurorisë së Kukësit Xhevahir Lita. Në gjyq ndodhen Edmond Preka dhe Arsim Billali dhe Ardit Hasanbega.
Ata u arrestuan pak javë më parë me urdhër të SPAK pas dyshimeve për përfshirje në krim të organizuar.
Në operacionin “Metamorfoza” përveç 6 të arrestuarve janë edhe një sërë personash të tjerë të shpallur në kërkim. Bëhet fjalë për Behar Bajrin, Ervis Martinajn, Denis Bajrin, Klaudio Haka, Prek Kodra, Aleks Ndreka, Ersat Bashli Bardhyl Mavja dhe Eljon Hato.
Akuza ndaj tyre është vrasje në kuadër të grupit të strukturuar kriminal, armëmbajtje pa leje, korrupsion, shpërdorim detyre dhe nxjerrje të të dhënave.
/a.r
