Dosja: Ja pse Mediu u dënua me burg në Itali. Kreu i PR: Jam i pafajshëm
Në një kohë që forcat politike po përgatisin draftin për dekriminalizimin e politikës, gazeta “Tema” ka botuar të plotë nnjë dosjen penale për Fatmir Mediun që mban datën 23 prill të vitit 2000, kur Gjykata e Apelit në Milano e ka deklaruar fajtor kryetarin e Partisë Republikane për akuzën e “përkrahjes së të inkriminuarve”. Apeli, i cila la në fuqi vendimin e Shkallës së Parë, akuzonte Mediun se në emër të parlamentit shqiptar ka favorizuar një të kërkuar nga drejtësia italiane për të kaluar tranzit nga vendi ynë drejt shtetin fqinj me emër të rremë. Sipas vendimit të gjykatës italiane, Mediu u dënua me 3 vite burg dhe ndalim të ushtrimit të posteve shtetërore. Ndërkohë që nmë një reagim për Shqiptarja.com, Mediu thotë se është shpallur i pafajshëm nga Gjykata e Lartëi italiane. “Gjykata italiane rrëzoi çdo pretendim të ngritur nga meje. Gjykata nuk ka lënë vend për aludime të tjera”.
Dënimi
Në vendimin e publikuar nga gazeta Tema thuhet se, kreu i PR-së ka favorizuar Gazmend Mahmutaj dënuar me dhjetë vite burg për shfrytëzim prostitucioni dhe trafik droge, për të kaluar tranzit nga Shqipëria në Itali me emër të rreme (Raqi Gjoni). Më 18 nëntor 1998, Gazmend Mahmutaj, një personazh i njohur i botës së krimit në Berat, ishte duke kaluar tranzit në aeroportin ”Malpensa” në Milano bashkë me një grup parlamentarësh shqiptarë. Deputetët shkonin në Parlamentin Evropian për një mbledhje për krimin e organizuar. Mahmutaj, e dinte që ishte në kërkim nga autoritetet italiane, ndaj duke përfituar nga miqësia me kryetarin e PR-së, thotë drejtësia italiane, – Fatmir Mediu kishte siguruar dokumente të falsifikuara me emrin Raqi Gjoni. Trupi gjykues në Itali ka arritur në përfundimin e se Mediu e ka ndihmuar Mahmutaj t’i shmanget drejtësisë italiane duke mos vuajtur dënimin. Mediu u dënua me 4 vite e 6 muaj burg dhe pas procedurës me gjykim të shkurtuar, ai përfundimisht u dënua me 3 vite burg.
Në arsyetimin e vendimit gjykata argumenton se Mediu nuk përfitoi lehtësira, pikërisht se veprimi i tij ishte në mbështetje të personave të përfshirë në veprimtari kriminale, në rastin konkret për shfrytëzim prostitucioni dhe trafik droge.
