Pas zgjatjeve të hetimeve për ish-ministrin e Brendshëm, Saimir Tahiri dhe letërporosive drejt Greqisë, Prokuroria e Krimeve të Rënda ka vazhduar me pyetjen e personave të vlefshëm për këtë hetim.
Këtë të hënë prokurori Dritan Prenci ka marrë në pyetje shoqëruesin e ish-ministrit Tahiri dhe dy efektivë të drejtorisë së policisë Vlorë.
Elvis Rexha ka dhënë sqarime në zyrën e prokurorin Dritan Prençi në lidhje me hetimet që po kryhen me dosjen Tahiri-Habilaj.
Rexha është pyetur për disa lëvizje që Tahiri ka kryer jashtë vendit, kryesisht në Greqi dhe Itali vende nga ku Prokuroria ka kërkuar informacione.
Rreth deklarimeve të tyre, Prokuroria tregohet e rezervuar ndërsa bënë me dije se gjatë muajit maj do të merren mbi 15 persona të tjerë në pyetje.
Tahiri akuzohet nga Prokuroria për trafik droge në kuadër të grupit të strukturuar kriminal dhe korrupsion, akuza të cilat janë mohuar vazhdimisht nga ai.
a.ç
