Lulzim Basha ka dalë pasditen e së premtes në një konferencë, për të sqaruar qëndrimin e PD mbi përgjimet e Dosjes 339.
Në fjalën e tij, kryedemokrati u shpreh se zëri i opozitës ëhstë shuar nga propaganda e qeverisë, ndaj dhe kanë qenë të detyruar të sakrifikojnë.
Ai tha se lidhjet e Edi Ramës me botën e krimit e kanë gjenezën që në Bashkinë e Tiranës.
“Me Ramën në pushtet, kriminelët morën fuqi. Betejan jonë do të jetë një luftë e vazhdueshme kundër krimit. Rama krijoi një elitë kriminale në Tiranë përmes lejeve të ndërtimit” – tha Basha ndër të tjera.
Duke u ndalur te protesta e së shtunës, Basha bëri thirrje që qytetarët t’i bashkohen. Ai tha se shumë njerëz e kanë konsideruar opozitën si Don Kishot, por nuk janë të tillë.
“Të bashkohemi në protestën kombëtare të shtunën. Pjesëmarrja juaj është investimi më krenar për fëmijët” – përfundoi Lulzim Basha.
