Pas Adriatik Llallës, Departamenti i Shtetit i ndalua hyrjen në SHBA edhe deputetit Tom Doshi.
Ky ishte rasti i dytë që vjen një “shuplakë” e ashpër ndaj Shqipërisë.
Vendimi i DASH bëri jehonë edhe në mediat amerikane si Associated Press apo Washington Post.
Gazeta ‘Washington Post’ shkruan se Departamenti i Shtetit ka ndaluar hyrjen në SHBA të një ligjvënësi shqiptar, i dyshuar për korrupsion domethënës.
“Departamenti i Shtetit i ka ndaluar hyrjen në SHBA një deputeti shqiptar për shkak të përfshirjes së supozuar në korrupsion madhor.
Në një deklaratë të botuar të hënën, Departamenti i Shtetit tha se Tom Doshi, një ligjvënës me Partinë Socialdemokrate të Shqipërisë, i është e ndaluar të hyjë në Shtetet e Bashkuara së bashku me gruan dhe fëmijët e tij.
Doshi u tha mediave shqiptare se ai nuk ka bërë asgjë të paligjshme për ta merituar këtë. Ai shtoi se bashkëshortja dhe fëmijët e tij janë shtetas australianë.
“Ne jemi një vend demokratik dhe duam të sqarohemi. Para se të hyja në politikë, unë isha një biznesmen”, tha Doshi.
Ish-Prokurori i Përgjithshëm i Shqipërisë, Adriatik Llalla dhe familja e tij u ndaluan të hyjnë në SHBA gjatë muajit shkurt.
Shqipëria po punon për të përmirësuar sistemin e saj gjyqësor dhe për të çrrënjosur korrupsionin si pjesë e përpjekjes së saj për t’u bashkuar me Bashkimin Evropian. Ekspertët amerikanë dhe europianë po këshillojnë vendin sa i përket reformave”, përfundon artikulli i Washington Post./a.m.
