Edhe pse Tom Doshi në zgjedhjet e 25 Qershorit nuk kandidon më për Partinë Socialiste, ai duket se do të mbështesë kryeministrin Rama edhe pas zgjedhjeve. Duket se mosmarrëveshjet mes tyre janë sheshuar dhe Doshi ka shuar çdo dyshim për atë që do mbështesë pas zgjedhjeve. Ai thotë se nuk pret asnjë ofertë tjetër dhe do të mbështesë vetëm kryeministrin Rama.
Këtë deklaratë ai e dha pasi doli nga prokuroria ku i’u komunikua akuza për “mosdeklarim pasurie”.
“Unë mbështes vetëm kryeministrin Rama, nuk pres asnjë ofertë tjetër. Akuza nga prokuroria bëhet për të më penguar për zgjedhjet. Elektorati të rrijë i qetë. Jo vetëm që e kam të sigurt që dal vetë deputetë, por do nxjerr 3 deputetë në Shkodër”, ka thënë Doshi që kandidon për listat e PSD-së./a.m.
