Vijon sot beteja gjyqësore e deputetit Tom Doshi me Spartak Brahon, deputetin e Lëvizjes Socialiste për Integrim, në Gjykatën e Lartë, të cilin e ka paditur për shpifje.
Edhe pse Braho kishte bërë kërkesë për shtyrjen e seancës gjyqësore, deputeti i LSI është paraqitur në seancë. Në seancën e sotme Doshi ka hedhur akuza të forta ndaj deputetit Braho. Sipad Doshit, deputeti i LSI-së ka vrarë një ushtar në moshën 18-vjeçare.
“Unë s’pajtohem me shpifës dhe njerëz që kanë bërë krime. Spartak Braho ka vrarë një ushtar në moshën 18-vjeçare”, ka thënë Doshi.
Po ashtu në seancën Doshi nuk ka pranuar pajtimin me Brahon dhe ka thënë se do të vazhdojë procesin ndaj tij.
Braho nga ana tjetër ka thënë se deklaratat e tij për Doshin kanë qenë qendrim i LSI-së dhe jo personale.
Nga ana e tij deputeti Tom Doshi është shprehur se kërkon 1 euro dëmshpërblim. Në kallëzimin penal që Doshi depozitoi në Gjykatë e Lartë, theksohet se Spartak Braho shpifi publikisht, kur akuzoi Doshin se kishte falsifikuar raportin mjekësor që paraqiti në Këshillin e Rregullores, Mandateve dhe Imuniteteve.
