Pierre-Emerick Aubameyang është i lirë të largohet nga Borussia Dortmundi, por vetëm për një klub jashtë Bundesligas.
Drejtori i përgjithshëm i Borussia Dortmundit, Hans-Joachim Watzke thotë se sulmuesi Pierre-Emerick Aubameyang nuk do të lejohet të transferohet te Bayern Munichu, teksa ka bërë të ditur se i ka dyert e hapura për gjigantët Evropianë, transmeton Gazeta Express.
“Mendoj se ai do të qëndrojë me ne. Por nëse Reali dhe Barcelona vijnë me ofertë të madhe, do ta diskutojmë.
Nuk do ta shesim te Bayerni”, ka thënë ai për Sport1. Auba kohë më parë kishte pranuar publikisht se Reali është klubi i tij i preferuar, citohet ”Express”. (b.an)
