Gjykata Supreme e Izraelit ia ka marrë një familjeje izraelite përmbledhjen e dorëshkrimeve të Franz Kafkës dhe vendosi që ato të transferohen në Bibliotekën Kombëtare të këtij vendi.
Biblioteka Kombëtare të martën njoftoi se Gjykata e Lartë ka vendosur se biblioteka është “vendndodhja e dëshiruar” për një varg veprash të pabotuara të Kafkës.
Nga biblioteka shtojnë se dorëshkrimet do të jenë në dispozicion për publikun.
Vendimi, i cili është marrë të hënën, ndërpreu procesin disavjeçar në gjykata lidhur me veprat e Kafkës.
Dy gjykata të shkallës më të ulët, më parë morën të njëjtin vendim.
Eva Hoffe mori, mes tjerash, dorëshkrime nga nëna e saj, e cila ka qenë sekretare e Max Brodit, të besuarit të Kafkës.
Brod ka poseduar dhe botuar veprat e Kafkës pas vdekjes së tij.
Familja pohonte se posedimi i dorëshkrimeve të tij është plotësisht i ligjshëm, përgatiti Express. (b.an)
