Dorëhiqet nga detyra drejtori i Autoritetit të Aviacionit Civil, Krislen Keri.
Në vend të tij është emëruar Edlira Liçi, e cila deri më tani ishte specialiste në Drejtorinë e Përgjithshme të Autoritetit të Aviacionit Civil.
Sipas informacioneve Keri është dorëhequr sot dhe mësohet shkak ka qenë situatae krijuar nga COVID-19.
Liçi më herët ka qenë specialiste në sektorin e Autoritetit të Aviacionit Civil. Kleri ka marrë detyrën në nëntor të 2017.
Krislen Keri ka qenë një nga personat kyç në Ministrinë e Transportit kur ajo drejtohej nga LSI dhe në krye të saj ishte Emond Haxhinasto.
Ministri Haxhinasto e prezantonte si shef kabineti. Pra, Krislen Keri, ishte në LSI, por e la atë, pasi u bë drejtor të Aviacionit Civil.
Nuk duhet të harrojmë që gjatë kohës që ky ka qenë drejtor në Rinas u bë edhe grabitja më e madhe brenda në pistë, pasi persona të maskuar dhe të armatosur morën 5 mln euro në barkun e avionit.
Gjithashtu Krislen Keri është personi i shumëpërfolur në lidhje me aksidentin fatal të 7 majit të vitit 2016, ku dy fëmijë të moshës 3 dhe 5 vjeç humbën jetën.
Mbi Krislen Kerin u ngritën dyshimet se kishte ndikuar për moszbatimin e një vendimi gjykate lidhur me barrierat mbrojtëse në krah të rrugës, duke favorizuar në këtë mënyrë një karburant në pronësi të babait të tij.
Në atë kohë mediat raportuan se ishte pikërisht heqja e trafikndarëses në vendhyrjen e një karburanti e cila shkaktoi aksidentin tragjik.
g.kosovari
