Një ditë pas dorëheqjes së Nasip Naços nga posti i Ministrit të Drejtësisë, zërat për të tjera lëvizje në kabinetin qeverisës vijojnë të shtohen në qarqet mediatike dhe ato politike.
I pyetur nga gazetarët për këtë lëvizje dhe nëse pas largimit të Naços do të ketë largime të tjera të kushtëzuara nga aleati i tij qeverisës, Rama nuk dha përgjigje të drejtpërdrejtë, por tha se puna e lënë në mes nga Naço të ndiqet nga pasardhësi i tij.
“Këto janë lajme nga këneta s’kam ça komentoj. Kur unë kur flas për këneta mediatike s’flas për mediat në tërësi por kënetat mediat në hapësirën ku operon media shqiptare dhe ashtu sikundër media këtu ka lirinë të thotë ça të dojë, të shpifë sa të dojë, të akuzojë kë të dojë, ka luksin për të mos bërë asnjë përpjekje të verifikojë ato që shkruan.
Por media s’mund të sillet si lulja mos më prek në kuptimin e fjalëve se në kuptiminn e veprave s’di asnjë rast të një kërcënimi, presioni apo sulmi të organizuar apo mbështetur nga qeveria ndaj mediave. Qeveria ka absolutisht shumë për të korrigjuar. Jemi larg së qenit të pa gabueshëm, të përsosur, por besoj se po aq lart jeni edhe ju, kështu që në këtë pikë, jemi bashkëvuajtës por jo bashkëfajtorë”, u shpreh shefi i Qeverisë.
Në konferencën e përbashkët me ambsadoren e BE në Tiranë Roamana Vlahutin, Rama deklaroi se finalizimi i reformës do të përshpejtojë rrugën për çeljen e negociatave të anëtarësimit në BE.
“Për ne është e qartë dhe ky progres/raport e konfirmon se rruga për hapjen e negociatave kalon nëpërmjet reformës në drejtësi, e cila mbetet sfida më e madhe e shoqërisë shqiptare dhe e shtetit tonë në rrugën e anëtarësimit evropian. Progres/Raporti rekomandon në mënyrë prioritare përfundimin në kohë të reformës gjithëpërfshirëse në drejtësi që do të thotë në këndvështrimin tim, nëse reforma në drejtësi do të mbyllet pa humbur kohë të çmuar dhe duke e adresuar fuqimisht në muajt në vijim, atëherë rruga jonë për negociata është e hapur. Nga ana tjetër në progres/raport është e qartë se kjo lidhet ngushtësisht me konsolidimin e rezultateve ku theks të vaçantë kanë hetimet dhe ndëshkimet, pra i gjithë zinxhiri i pushtetit gjyqësor në Shqipëri” deklaroi Rama.
