Donatori më i madh i fushatës pro largimi të Britanisë nga BE, ka humbur miliona të tjerë vetëm një ditë pas fitores së fushatës “Largohu”.
Peter Hargreaves dhuroi 3.2 milion paund për këtë fushatë, por vetëm një ditë më pas humbi 400 milion nga rënia e titujve në bursë.
Megjithatë ai tha se nuk ndjen asnjë keqardhje për paratë e dhuruara. “Nuk e bëra për përfitime personale. Por mendoj para së gjithash se është një e mirë për Britaninë” u shpreh ai.
Aksionet e kompanisë se Hargreaves Lansdown humbën vlerën nga 1.389 paund para votimit në 1.056 të hënën, duke avulluar 400 milion paund të vlerës së shoqërisë raporton Dita.
Biznesmeni e krahasoi këtë situatë me atë kur Britania e Madhe braktisi mekanizmit e këmbimit në 1992./a.m.
