Presidenti venezuelas Nikolas Maduro ka thënë se Donald Trump urdhëroi qeverinë kolumbiane dhe mafien lokale në atë vend për ta vrarë atë.
Reuters raporton se Maduro e ka thënë këtë në një intervistë me agjencinë RIA Novosti.
Maduro, siç raportohet nga agjencia ruse, tha se thirrjet për zgjedhje të parakohshme erdhën me shantazhuesit dhe se vendet që i thërrasin ato duhet të presin 2025.
“Ne nuk pranojmë asnjë ultimatum, nuk do të shantazhohemi”, tha Maduro.
Maduro ka thënë se është gati të flasë me opozitën, por me pjesëmarrjen e ndërmjetësve ndërkombëtarë.
“Unë jam i gatshëm që të ulem në tryezën e bisedimeve me opozitën, dhe duke folur për të mirën e Venezuelës, paqes dhe të ardhme së saj”, tha Maduro, në një intervistë me agjencinë ruse RIA, sipas Reuters.
Mundësia e ndërmjetësimit të një vendi të tretë, sipas Maduros mund të vijë “nga disa qeveri e organizata botërore, të cilat kanë shprehur shqetësimin e tyre të sinqertë për atë që po ndodh në Venezuelë”.
Ndërkohë, Gjykata e Lartë e Venezuelës ndaloi largimin nga vendi dhe ngrirjen e burimeve financiare udhëheqësit të opozitës Guaido.
Gjyqtari Mailel Moreno tha se hetimi ishte duke u zhvilluar dhe se Guaidos iu imponua masa ndaluese për të mbrojtur integritetin e shtetit.
Guaido, i cili është gjithashtu kryetar i Kongresit të Venezuelës, njoftoi se Kuvendi miratoi një ligj mbi “tranzicionin demokratik” dhe rinovoi Kushtetutën.
“Ligji që do të sigurojë një tranzicion drejt demokracisë dhe rivendosjen e Kushtetutës së Republikës Bolivariane të Venezuelës e cila miratua unanimisht qëq në leximin e pare”, shkroi Guaido në Twitter
a.cupaj
