Ambasadori amerikan në Tiranë Donald Lu shprehet se ish kryeprokurori Adriatik Llalla është një zyrtar i korruptuar. Njëherësh Lu shprehet se nuk ka thënë kurrë se kërkon arrestimin e Ilir Metës, dhe kjo është gënjeshtër absurde e Llallës.
“Ish-Prokurori i Përgjithshëm Llalla është një zyrtar publik i korruptuar dhe diskredituar, i cili është nën hetim aktiv për pastrim parash dhe pasuri masive të pashpjeguara. Nuk është për t’u habitur që vazhdon të flasë kundër reformës në drejtësi sepse tani rrezikon të shkojë në burg për korrupsionin e tij.
Ai ka pretenduar se brenda katër muajsh nga mbërritja ime në Tiranë, unë i paskam thënë të arrestojë ish-Kryetarin e Kuvendit Ilir Meta. Kjo është një gënjeshtër absurde nga Z. Llalla, pa kurrfarë baze në fakte. Gënjeshtra e tij fyese është një ofendim për Presidentin Meta dhe popullin shqiptar”, deklaron Donald Lu.
