EKSKLUZIVE/ Këshilli i Lartë i Drejtësisë ka pezulluar sot nga detyra tre gjyqtarë të Gjykatës së Apelit Durrës: Petrit Çenon, Kliton Spahiun dhe Petraq Dhimitrin. Ky vendim erdhi pasi anëtarët e Këshillit u njohën dhe shqyrtuan informacionin e ardhur nga Drejtuesi i Prokurorisë së Shkallës së Parë për Krimet e Rënda, me datë 06.02.2018, ku njoftohej marrja si të pandehur të tre gjyqtarëve të sipërcituar. Për këtë vendimin ka reaguar ekskluzivisht për javaneës.al edhe ambasadori amerikan në Tiranë, Donald Lu. Sipas tij, Ambasada e SHBA mirepret këtë vendim. Javanews i kërkoi një opinion ambasadorit Donald Lu për këtë zhvillim. Ja reagimi i tij:
“Ambasada e SHBA mirepret pezullimin e tre gjyqtareve te Gjykates se Apelit Durres, perfshi kryegjyqtarin, nderkohe qe jane marre te pandehur per korrupsion te rende. Shtetet e Bashkuara mbeshtesin hetime dhe ndjekje penale serioze per krimin e organizuar dhe korrupsionin. Gjyqtaret e pandehur per korrupsion duhet te pezullohen nderkohe qe presin gjyqin”, deklaroi Ambasadori Lu per javanews.al.
