Donald Lu: Kam jetuar në një fshat afrikan pa ujë e energji
Ambasadori amerikan Donald Lu gjatë aktivitetit të organizuar sot nga qendra rinore dhe ministria e Mirëqënies Sociale, rrëfeu historinë e tij të jetës si vullnetar duke i bërë thirrje të gjithëve në Shqipëri që të aplikojnë një përvojë të tillë.
“Vullnetarizmi i mirëfilltë më ka ndryshuar jetën. Në gjimnaz kam qënë vullnetar në një shkollë të fëmijëve me aftësi të kufizuara, ku pashë dëshirën e tyre për të jetuar jetën pavarësisht kufizimeve fizike. Pasi mbarova shkollën e mesme edhe në fakultet isha vullnetar. Pas universitetit u bashkova me korpusin e paqes në Afrikën Perëndimore ku kam jetuar në një fshat pa energji elektrike, pa ujë, pa kanale shkarkuese, dhe kjo ka qënë pjesa më e vështirë e jetës time larg familjes dhe jo vetëm“, tha Lu gjatë fjalës së tij në aktivitet, raporton A1 Report. Ambasadori amerikan në Tiranë rrëfeu historinë e tij si pjesë e korpusit të paqes duke theksuar se të gjitha vështirësitë që hasi atje ishin një përvojë e mjaftueshme për vazhdimësinë e jetës dhe sfidat e saj.
“Larg familjes, larg vendit tim, ishte pjesa më e vështirë, ndërkohë perjetimi i kulturave te tjera të reja, mësimi i tyre kanë që pervojat të cilat më kanë ndihmuar të mendoj se çdo gjë që beja do me ndihmonte gjatë rrugës së jetës rruge në të cilën do të takoja dhe gruan time të mrekullueshme”– u shpreh Lu.
