“Hajde burg, hajde burg”, bërtiste sot ambasadori amerikan Donald Lu.
Lu këtë herë “thumboi” nga një emision humori. Ai ishte i ftuar mbrëmjen e sotme në “Portokalli”.
Mesazhi i parë i përcjellë prej tij si ambasador i Shteteve të Bashkuara të Amerikës në Tiranë ishte shqip, e po aq “shqip e troç” ka folur përgjatë gjithë detyrës së ushtruar në Shqipëri.
Mes batutave edhe të aktorëve të “Portokallisë”, Donald Lu e tha sërish troç. Ai iu drejtua aktorëve, që ishin në rolin e liderëve politik në vend, duke u thënë: “Gjithmonë shisni gjërat e gabuara për njerëzit”.
Ndërkohë, publiku thërriste: “Peshkun e Madh”.
“Na doli mjekra duke pritur, o burrë!”, iu drejtua Ambasadori Lu “Edi Ramës”.
“Nuk iki pa vënë drejtësi në tregun e madh të shoqërisë shqiptare”, u shpreh ai.
Për më tepër lexoni batutat që kanë shkëmbyer në shfaqje, Berisha, Rama, Basha, Kryemadhi e Donald Lu.
Rama: Po c’ne që erdhe se sikur të mbaroi licensa?
Lu: Nuk iki pa vënë drejtësi në tregun e madh të shoqërisë shqiptare
Berisha: Bashkohuni këtu që të mos e lëmë këtë të na përcajë
Basha: Do vish këtej apo do shkosh andej
Monika Kryemadhi: Hajde këtej…
Rama: Hajde kursi i këmbimit, i japim një mandat deputeti
Basha: Hajde gjyqtar me timon anglez
Lu: Hajde burg, hajde burg!
Basha: Mos ma prish klientelën se ta djeg tezgën në mënyrë paqësore!
Monika Kryemadhi: Mos ma preg tezgën se do fillojë dhuna me qetësi e dashuri
Rama: Po nuk di ca të bëj o xhaxhi!
Lu: Këshilla që kam për ty është njësoj, gjithmonë shisni gjërat e gabuara për njerëzit
Rama: Pse ca duan njerëzit
Publiku: DREJTËSI!
Lu i drejtohet Rames: Na doli mjekra duke pritur o burrë!
