Arbër Çekaj kërkoi sot nga salla e gjyqit që përfaqesues të ambasadës amerikane dhe gjermane te jenë të pranishëm në procesin ndaj tij.
Duke rikujtuar deklaratat e ish ambasadorit amerikan Donald Lu, që e konsideroi “peshk të madh”, Çekaj u shpreh se kërkonte te ishin të pranishëm për të parë që “gjyqi është fars”.
“Drejtuesi i ambasadës amerikane me ka konsideruar peshk të madh, duke iu referuar të dhënave të prokurorisë. Kërkojë që e nderuara ambasadë të jetë e pranishme për të kuptuar se kush është pesh i madh dhe kush jo. Kush merret me kokainë e kush me banane. Meqë kanë investuar shumë në SPAK”, tha Çekaj.
Seanca e sotme ku pritej të lexohej mbrojtja dhe jepej vendimi u shty për mungesë të mbrojtjes. Kjo është e disa herë qe shtyhet në këtë fazë.
Ndërkohë, prania e ambasadës gjermane në këtë proces gjyqësor, siç argumenton avokati i Arbër Çekajt, Faslli Çekaj, lidhet me faktin se “shteti gjerman ka pranuar kërkesën e prokurorisë për ekstradim të Arbër Çekajt, kur ky i fundit ndodhej në arrati me kërkesën bërë shtetit atje, për azil politik.
Avokati parashtron se për një vit Çekaj ka qëndruar në masë arresti me burg edhe në Gjermani ku edhe është hetuar dhe faktuar sipas tij se nuk ka lidhje me trafik të drogës, dhe ekstradimi është bërë vetëm me kushtin sipas avokatit, që “do të hetohet dhe gjykohet në zbatim të kritereve juridike procedurale që garantojnë siguri në hetim dhe drejtësi në gjykim të tij për akuzën që dyshohet. Por akuza e ngritur sipas avokatit për drogën e gjetur në kontejner që janë transportuar bananet e kompanisë së tij, është e pabazuar në prova”.
g.kosovari
