Don Xhoni po vazhdon turin me performanca në qytete të ndryshme, ndërsa mbrëmjen e djeshme ndalesa e radhës ishte Gjakova.
Gjatë performancës, një person nga publiku duket se e ka provokuar reperin, ndonëse nga videot që po qarkullojnë në TikTok nuk mund të kuptohet qartë se çfarë ka bërë saktësisht.
Don Xhoni ka reaguar duke i hedhur pijen në drejtim të personit në fjalë.
Në ato momente, në skenë është afruar edhe vëllai i tij, Leonardi, por reperi e ka ndalur menjëherë, duke mos lejuar që situata të përshkallëzohej.Pas këtij momenti, Don Xhoni e ka menaxhuar situatën me qetësi dhe ka vazhduar performancën normalisht, pa e kthyer incidentin në një përplasje më të madhe.Videoja nga ky moment është shpërndarë gjerësisht në rrjetet sociale dhe ka nxitur reagime të shumta nga ndjekësit.
