Dy vajza të mitura janë larguar nga banesat në Tiranë më 1 janar dhe nuk janë kthyer më. Mediat raportojnë se vajzat janë 16 vjeçe dhe kanë dalë nga shtëpitë e tyre rreth orës 09:00 të mëngjesit.
Secila prej tyre u kanë thënë prindërve se do shkonin tek njëra-tjetra. Ndërkohë, pas dreke prinderit i kanë marrë në telefon dhe te dyja i kanë pasur të fikur.
Mësohet se njëra prej tyre ka marrë një shumë parash që kishte mbledhur për festa dhe disa rroba. Prindërit kanë denoncuar në polici humbjen e tyre, ndërsa prej tre ditësh nuk kanë pasur asnjë kontakt.
Policia ka kontrolluar sistemin TIMS, por nuk rezulton të kenë dalë jashtë territorit shqiptar.
NJOFTIMI NGA POLICIA
Më datë 01.01.2021, shtetasja A. A dhe shtetasi L. H, kallzojnë se janë larguar nga banesa dhe nuk janë kthyer vajzat e tyre të mitura 16-vjeçare, shoqe me njëra-tjetrën. U bë shpallja në kërkim dhe punohet për gjetjen e tyre. Materialet do t’i kalojnë Prokurorisë pranë Gjykatës së Shkallës Parë Tiranë, për veprime të mëtejshme.
/a.r
