Zbulohet drafti me ndryshimet kushtetuese për reformën në drejtësi, i cili ka hyrë zyrtarisht në procedurat parlamentare, pas kërkesës së 33 deputetëve të shumicës bërë javën e kaluar. Drafti me ndryshimet kushtetuese, pjesë e reformës në drejtësi, është publikuar në faqen zyrtare të Parlamentit si dhe u është shpërndarë sot deputetëve gjatë seancës parlamentare.
Paraditen e sotme, Konferenca e Kryetarëve vendosi të mblidhet javën e ardhshme për të përcaktuar se çfarë procedure do të ndiqet me këtë draft, nëse do të hidhet direkt për votim ose do të kalojë fillimisht në Komisionin e Ligjeve.
Më 17 qershor, 33 deputetë të mazhorancës nënshkruan draftin me ndryshimet kushtetuese që materializojnë reformën në drejtësi, me qëllim futjen e tij në procedurat parlamentare dhe miratimin brenda datës 15 korrik.
ma.me
