Komisioni Europian ka dhënë vlerësimin e tij për ligjin e integruar të mbetjeve që u votua me ndryshimet e bëra nga qeveria ‘Rama’, pas kërkesës së Komisionit të Veprimtarisë Prodhuese.
Me anë të një letre drejtuar komisionit, Komisioni Europian hedh poshtë opozitën dhe presidentin, duke thënë shprehimisht se ”Duke marrë në konsideratë gjendjen specifike të Shqipërisë në fushën e menaxhimit të mbetjeve dhe mungesën e mirëqenë të infrastrukturës për menaxhimin e mbetjeve në vend, ne besojmë se ndryshimet në Ligjin për Menaxhimin e Integruar të Mbetjeve janë të mirëpërshtatura dhe të përshtatshme për Shqipërinë në këtë moment kohor”.
KE thekson se BE mund të pranojë kufizimet që i janë bërë importit për riciklim për sa kohë Shqipëria nuk është bërë vend anëtar i BE-së, por pasi të anëtarësoheni, nuk mund të vendosni më kufizime.
Duke vazhduar, KE shprehet në letrën e saj se Shqipëria mund të vendosë kufizim për importin nëse bëhet fjalë për depozizim mbetjesh, por jo për riciklim, sepse Shqipëria duhet të bëhet pjesë e tregut europian të mbetjeve të riciklueshme.
Duke parë përgjigjen e Komisionit Europian, shihet se kryeministri Rama ka patur të drejtë kur deklaronte se ” Ne jemi vendi me kufizimet më të forta në europë falë ligjit që u votua disa muaj më pare.”
Siç shihet, edhe kjo është kërkesë e be. Madje BE imponon import të plote nëse bëhemi anëtar, si çdo vend tjetër anëtar.
Më poshtë letra e plotë:
”Bruksel, 17 nëntor 2016
I dashur Ministër,
Ju falënderoj për letrën tuaj të 2 nëntorit 2006, ku kërkonit vlerësimin e Komisionit për ndryshimet për Ligjin e vitit 2011 për Menaxhimin e Integruar të Mbetjeve, që u miratuan së fundmi nga Parlamenti dhe u kthyen nga Presidenti në Parlament.
Kam kënaqësinë t’u dërgoj vlerësimin e ekspertëve të Drejtorisë së përgjithshme për Mjedisin, përgjegjës për acquis communautaire në këtë fushë.
Përzemërsisht
Michaela Matuella
Shënime për Znj. M. Matuelle Drejtuese e Njësisë, NEAR D.4
Objekti: Shqipëria – Vlerësim i ndryshimeve të fundit në “Ligjin për Menaxhimin e Integruar të Mbetjeve”
Ju falënderoj për shënimin tuaj të 7 nëntorit, ku ju i kërkoni Drejtorisë së Përgjithshme të Mjedisit të vlerësojë përputhshmërinë me acquis communautaire të ndryshimeve, që u parashtruan nga Shqipëria për Ligjin e Menaxhimit të Integruar të Mbetjeve.
Dua të theksoj se opinioni ynë bazohet mbi njohurinë më të mirë në nivel ekspertësh, por nuk mund të konsiderohet që ka efekt ligjor detyrues ndaj Komisionit.
Duke marrë në konsideratë gjendjen specifike të Shqipërisë në fushën e menaxhimit të mbetjeve dhe mungesën e mirëqenë të infrastrukturës për menaxhimin e mbetjeve në vend, ne besojmë se ndryshimet në Ligjin për Menaxhimin e Integruar të Mbetjeve janë të mirëpërshtatura dhe të përshtatshme për Shqipërinë në këtë moment kohor.
Në një perspektivë afat-mesme, nëse Shqipëria bën progres të dukshëm në rrugëtim e saj drejt anëtarësimit në Bashkimin Evropian, Shqipëria duhet të përshtatë sistemin e vet legjislativ në mënyrë të atillë që të mos ketë më mospajtim me kërkesat e Rregullores (KE) 1013/2006. Kjo do të kishte thjesht një efekt qartësues sepse Rregulloret e Bashkimit Evropian të zbatuara në mënyrë të drejtpërdrejtë automatikisht hedhin poshtë pjesë të ligjeve kombëtare që bien në kontradiktë me to.
Sipas Rregullores (KE) 1013/2006 mbi dërgesat e mbetjeve, Shqipëria mund të ndalojë importin e çdo lloj mbetjeje (të rrezikshme ose jo të rrezikshme) për një veprim hedhjeje, ruajtjeje apo asgjësimi në Shqipëri, duke u bazuar në çdo njërën prej dispozitave të listuara në Nenin 11, kur të bëhet anëtare e Bashkimit Evropian. Sipas Nenit 11(6), një ndalim i importit të mbetjeve për hedhje, ruajtje apo asgjësimi mund të aplikohet në përgjithësi.
Në të kundërt të ruajtjes, hedhjes apo asgjësimit, importi i mbetjeve të rrezikshme për rikuperim mund të refuzohet vetëm sipas dispozitave të Rregullores (BE) 1013/2006. Mbetje e destinuar për çdo operacion rikuperimi i listuar në Aneksin II të Direktivës 2008/98/KE mbi mbetjet shihet si mall që përfiton nga parimi i lëvizjes së lirë të mallrave. Një ndalim i importit të mbetjeve të rrezikshme të destinuara për rikuperim, siç është përcaktuar në projektligj, mund të mos jetën në një vijë me Nenin 12. Megjithatë, Rregullorja (BE) 1013/2006 është detyruese në tërësinë e saj vetëm për vendet e Bashkimit Evropian. Ndërsa Shqipëri ndërton kapacitetet e veta për të menaxhuar mbetjet, ne kemi pritshmërinë që [Shqipëria] do të jenë në një pozitë më të mirë që të zbatojë plotësisht acquis communautaire për mbetjet, kur anëtarësimi i Shqipërisë në Bashkimin Evropian të bëhet i pashmangshëm.
Drejtor i Njësisë”
/Lexo.al
