Si komandant i batalionit special, Dritan Demiraj u bë i njohur kur angazhoi ushtarët e tij për të gërmuar për ar në zonën e Mokrës. Në një rast të dytë, ai përdori përsëri ushtarët për qëllime personale, duke i vendosur të ruanin kampionatin e peshëngritjes në Tiranë.
Për të dyja këto çështje, ndaj tij është hapur hetim në Prokurori për përdorim të jashtëligjshëm të forcave ushtarake, por në secilin rast, hetimi u mbyll brenda pak kohësh.
I dekoruar nga Presidenti Nishani për “largpamësi”, sipas motivacionit të medalies, Demiraj u shkarkua nga detyra e tij në ushtri në dhjetor 2014, pasi disa udhëtime pa leje jashtë shtetit ngritën dyshime për shitjen e mundshme të sekreteve shtetërore nga ana e tij.
Demiraj realizoi 104 udhëtime jashtë shtetit, pa marrë leje nga puna. Për këtë arsye, gjykata vendosi të rrëzonte ankimin e tij për rikthimin në punë. /b/d
