Kejdi Mehmetaj, deputete e LSI duket se ka gënjyer në CV e saj zyrtare, zbulon një dokument i siguruar nga redaksia e Zathur.net. Deputetja e LSI pretendon në CV e saj (shih foto 1), se ka ndjekur Fakultetin e Inxhinjerisë së Ndërtimit nga viti 2011 deri në 2015-n, kur edhe është diplomuar. Megjithatë, siç duket nga dokumenti i mëposhtëm (shih foto 2), rezulton se Kejdi ka qenë përsëritësë në vitin shkollor 2016-2017 dhe se duhet ende të marrë disa provime ose të frekuentojë lëndët që nuk ka ndjekur, përpara se të diplomohet me të paktën dy vite vonesë, krahasuar me atë që ka shënuar në CV.
Mashtrimi i Kejdit del në dritë ku siç shihet, krahas emrit të saj, shfaqet togfjalëshi “Ndërtim 1P”, një kod që përdoret për të treguar se është përsëritëse. Ndërkohë që Kejdi vazhdon t’i japë mend ministres së Arsimit, bën mirë që të shkojë edhe në shkollë, e ta mbyllë atë njëherë e mirë, sepse ndoshta nuk do jetë gjithë jetën deputete e do i duhet një profesion./Zathur.net
ma.me
