EKSKLUZIVE JAVANEWS/ Dita e mërkurë do të jetë mesa duket një moment historik për Shqipërinë. Komisioneri i zgjerimit Johanes Hahn do të bëjë të ditur në emër të Komisionit Europian, nëse vendi ynë e meriton hapjen e negociatave të anëtarësimit në Bashkimin Europian. Ka patur kuriozitet të shtuar në Tiranë dhe Bruksel në orët e fundit, se cili do të jetë qëndrimi i Komisionit ndaj hapjes së negociatave.
Javanews ka mundur të sigurojë një kopje të formulimit përfundimtar që Hahn do të bëjë publik, në të cilin Komisioni i rekomandon zyrtarisht Këshillit Europian që të hapen negociatat e anëtarësimit për vendin tonë.
Ja dhe paragrafi i fundit i përkthyer në shqip:
“Duke marrë parasysh progresin e arritur në përmbushjen e prioriteteve bazë, për të cilat opuna duhet të vazhdojë, si dhe për shkak të progresit të besueshëm dhe të prekshëm në zbatimin e reformës në drejtësi, në veçanti të rivlerësimit të gjyqtarëve dhe prokurorëve (Vettingu), Komisioni rekomandon hapjen e negociatave të anëtarësimit për Shqipërinë”.
