Në shtëpinë e ish-nënpresidentit amerikan, Mike Pence, janë gjetur dokumente të klasifikuara.
Dokumentet, që janë zbuluar nga një avokat, javën e kaluar në shtëpinë e Pencit në Indiana, i janë dorëzuar Byrosë Federale të Hetimeve (FBI).
Përfaqësuesit e Pence u kanë dërguar letër Arkivave Kombëtare, duke i njoftuar për dokumentet. FBI më pas ka shkuar në shtëpinë e ish-nënpresidentit për t’i mbledhur ato.
Së fundi është raportuar se dokumente të klasifikuara janë gjetur edhe në shtëpinë e presidentit aktual amerikan, Joe Biden.
Presidenti Biden ka ofruar qasje “në shtëpinë e tij për t’i lejuar Departamentit të Drejtësisë të kryejë kërkime për material potencial të klasifikuar” kanë thënë autoritetet.
Dokumente të klasifikuara janë gjetur më parë edhe në shtëpinë e ish-presidentit amerikan, Donald Trump.
Ai, bashkë me avokatët, i kanë rezistuar dorëzimit të dokumenteve, derisa FBI-ja e ka bastisur shtëpinë e tij në Florida.
Trump përballet me hetime penale nën dyshimet për keqpërdorim të dokumenteve.
Ai ka hedhur poshtë çdo keqbërje, dhe ka pretenduar se presidenti Biden është duke u trajtuar më mirë nga FBI-ja.
/e.d
