Doktori e “fjeti” mëndjen…

Nga Artur Ajazi

Lere çfarë thotë, çfarë lexon dhe nxjerr në ekrane (video me vjedhje votash). Doktor Berisha e ka fjetur mëndjen. Edhe 4 vjet deputet, edhe 4 vjet kryetar partie, edhe 4 vjet kryetar opozite. Edhe 4 vjet, do ta nxijë sallën e Parlamentit me tymuese, do të bëjë “ca opozitë”, pastaj “ca zhurmë”, do të akuzojë kryeministrin, ministrat e rinj dhe të tjetër, dhe pastaj gjithçka do të shkojë “vaj”.

Nga kryetar partie nuk e luan më as “topi” i Bamirit, dhe as murtaja e bagëtive. Kaq ishte. Mbaroi shpejt “mosnjohja e rezultetit të zgjedhjeve”. Berishës i interesonte ky rezultat. Edhe sikur, (gjithmonë sikur) të fitonte zgjedhjet, mendoj se do të ishte më i sikletosuri, pasi nuk kishte as vuxhutin, dhe as njerëzit e duhur që ta qeveriste vendin.

Ndaj, rezultati ishte “OK”, pavarsisht se çdo ditë Berisha dhe berishët e veckël, dalin dhe ripërsëritin atë që thotë ai. “Nuk njohim zgjedhjet, nuk njohim farsën, duam zgjedhje të reja”. Shqiptarët janë shurdhuar dhe mësuar me kësi llafesh. Ka gjë të re ? Atëhere kur nuk ka, përse dalin dhe bëjnë gërr-vërr. Berisha edhe sikur ta kishte porositur këtë rezultat, nuk do të ishte kaq preçiz. E kuptoni ? Ai edhe 4 vjet do të “qeverrisë” Partinë Demokratike, madje dhe opozitën. Kaq i mjafton, pasi nga kjo e hënë, nisën edhe proceset gjyqësore të ish-klubit Partizani. Aty qëndron thelbi. Berisha kërkon të manipulojë opinionin me profka. “Jam kryetar opozite, ndaj dhe më hetojnë, ndaj dhe më gjykojnë”. E ku ka më mirë se, të jesh kryetar partie opozitare, dhe të jesh nën hetim apo gjykim.

Thuajse je i mbrojtur nga gjithçka, pavarsisht moshës së Doktorit. Pra, Berisha e ka fjetur mëndjen. Pushtet nuk do. Kryeministër… nuk e kap dot. Ndaj ndjehet komod në pozicionin e kryetarit të PD, kryetarit të opozitës, duke u përshtatur mrekullisht me pasionin e tij. Se si do të shkojë gjyqi, kjo mbetet të shihet në muajt në vazhdim. Por një gjë është e sigurtë. Berisha sot është njeriu më i lumturuar nga rezultati i zgjedhjeve të 11 Majit. Ai e dinte fare mirë se, në gjendjen ku ndodhej partia e tij, opozita dhe vetë ai, ishte e pamundur 100 per qind fitorja përballë Partisë Socialiste dhe Edi Ramës.

Ndaj dhe premtimet e fushatës, i kishte me shumicë, duke mos e menduar reagimin e shqiptarëve, që prej 2013 bëjnë dallimin midis tij, dhe kryeministrit Rama. Sot për sot, nuk shoh pikën e optimizmit tek demokratët, se një ditë të bukur do të fitojnë zgjedhjet me votën e shumicës së shqiptarëve. Gjithsesi, Berisha e ka fjetur mëndjen edhe 4 vjet. Pas 4 vitesh, kushedi ç’bën Zoti…..