Gjykata liroi nga qelia dy të arrestuarit për djegin e flamurit serb duke i lënë në detyrim paraqitje. Dy personat e arrestuar për djegien e flamurit serb gjatë protestës së të hënës përpara Kryeministrisë, organizuar nga Sali Berisha kundër “Open Ballkan” dhe vizitës së Presidentit Vuçiç dolën mesditën e sotme para gjykatës.
Astrit Cara dhe Besnik Balani akuzohen për “Nxitje të urrejtjes” dhe “Poshtërim i Republikës dhe i simboleve të saj”. Prokuroria kërkoi që dy të arrestuarit të hetohen në gjendje të lirë me masën e detyrimit për t’u paraqitur.
Gjykata e pranoi kërkesën. E pranishme në gjykatë ishte edhe deputetja demokrate, e cila ishte në protestë të hënën, pjesë e grupit të Berishës, Albana Vokshi.
g.kosovari
