Në emisionin Shqip nga Dritan Hila ishte i ftuar gazetari i njohur Roland Qafoku për të folur për dy ngajrjet e rëndësishme që ndodhën ditën e djeshme në Tiranë, siç ishet samiti i BE-Ballkani Perëndimor dhe protesta e thirrut nga ish-kryeministri Sali Berisha.
Qafoku u ndal dhe tek pesha e Shqipërisë në rajon dhe rolin e SHBA-së në këto balanca.
“Si mendoni ju që ne mund të kundërshtojmë Amerikën? Këto janë gomarllëqe. Mjafton embargoja e naftës. Unë kam lexuar dosje pafund. Kur dëgjoj sot politikanë qesh se i kam lexuar vetë ato. Nuk kishte shanse. Rajlersoni i ka shkuar në zyrë ministrit të Jashtëm, Arjan Starovës dhe i ka thënë nëse ju nuk ndërprisni trafikun e naftës, Bill Klinton do bëj deklaratën më të fortë dhe rrezikoni dhe marrëdhëniet Shqipëri-Amerikë.
Dokumentat janë atje në Ministri të Jashtme. Embargoja e naftës në fakt ishte vendosur nga OKB-ja. Kanë ardhur dhe doganierë amerikanë në Korçë, por aty ndodhi një incident që e ka raportuar Rajlersoni. Kaloi një botë me shofer shqiptar dhe ia bëri me dorë një doganieri amerikan dhe nuk ndaloi por i dha gaz makinës.
Ky është një incident i rëndë, ishte skandal. Nuk e kalojmë dot lehtë ne atë punën e embargos. Janë dokumentat në ministri ku thuhej qartë se ky ishte një moment i vështirë për Shqipërinë.
Duhet të silleni mirë… Kur dëgjon p.sh që sulmohet Yuri Kim është kaq për të qeshur. Asaj Amerikës ne i kemi dy borxhe të mëdha si komb, shtetin shqiptar të konfirmuar më 1919 dhe shtetin e Kosovës në 2008-ën. Ai politikanë që thotë ne nuk pyesim për SHBA është diletant për mendimin tim”, u shpreh gazetari i njohur./m.j
