Kryetari i Republika Srpska, Milorda Dodik. ka thënë se është ftuar të marrë pjesë në inaugurimin e presidentit të ri të SHBA-së Donald Trump më 20 janar 2017 në Washington, transmeton Koha net.
“Kam marrë ftesën të marr pjesë në solemnitetin e dhënies së betimit të presidentit të ri amerikan, akreditimet më presin në Washington, e kemi radhën e shtatë”, ka thënë për gazetën e Beogradit “Veçernje novosti” kryetari i Republika Srpska Milorad Dodik.
Ai ka shtuar se do të marrë pjesë në inaugurim nëse administrata në largim nuk ia konteston vizën.
“Ditëve të fundit nga Washingtoni po më arrijnë kërkesa që të heq dorë nga politika e partisë që e udhëheq, po më bëhen kushtëzime të ndryshme dhe nëse i plotësoj ato do ta merrja vizën”, ka thënë Dodik.
Ai ka shpjeguar se nuk e ka paguar ftesën për të marrë pjesë në inaugurimin e Donald Trumpit, e ka shtuar asi, nëse dikush mendon se kjo mund të bëhet, le ta provojë, përgatiti Koha. (b.an)
