Gazetarja Klodiana Lala ka dhënë detaje mbi masakrën e ndodhur një natë më parë në lokalin e Fatjon Muratit. Lala tha se atentatorët kanë lëvizrshëm lirshëm me makinën e vjedhur dhe nuk janë ndaluar nga policia.
Ajo tha gjithashtu se Mimoza Paja, 58-vjeçarja që u vra, nuk është ekzekutuar aksidentalisht. Sipas gazetares, mënyra se si ka ndodhur atentati tregon që autorët kishin marrë parasysh se do të vrisnin këdo që mund të gjenin aty.
Pjesë nga fjala e gazetares:
Makina ka lëvizur qetësisht edhe pse policia duhet të kishte ngritur postoblloqe për të ushtruar kontrolle mbi çdo makinë që lëvizte. Po të shkosh aty në vendngjarje shikon dhe mënyrën se si është shkuar me makinë dhe më pas larguar që aty. Nuk ka asnjë mënyrë tjetër për të ikur që aty, përveçse në aksin e vetëm që ndjek mjeti. Dua të them dhe diçka, Mimoza Paja nuk ishte një viktimë aksidentale, ajo u vra sepse ndodhej aty në atë lokal dhe u qëllua nga njerëz që shkuar të vrisnin këdo që tu dilte para.
Masakra ndodhi një natë më parë në Don Bosko. Dy persona qëlluan me breshëri plumbash në drejtim të lokalit të Fatjon Muratit duke lënë të vdekur banakieren Mimoza Paja, 60 vjeçe dhe pesë të tjerë të plagosur, mes tyre dhe një vajzë 10-vjeçare që u dëmtua nga xhamat e thyer. Të plagosurit e tjerë janë Sahit Murati (xhaxhai i Fatjon Muratit), Astrit Meraj, Emanuel Sala, Ermir Bejuku, Genc Shohalli, të gjithë jashtë rrezikut për jetën. Murati vetë ndodhej jashtë Shqipërisë në momentin që u krye atentati. Ai është i njohur në botën e krimit dhe si miku i ngushtë i Endrit Dokles, madje është marrë në pyetje për masakrën e Fushë Krujës, ku mbeti i vrarë Brilant Martinaj me dy miqtë e tij.
/e.d
