Një histori e ngjashme me ato të skenarëve hollivudianë është ajo që ka për protagoniste një grua shqiptare.
Viktimë e saj ka qenë për disa vite një shtetas italian me të cilin ajo ka pasur lidhje intime.
Pasi 70-vjeçari italian i kërkoi të ndaheshin, 48-vjeçarja shqiptare emri i së cilës nuk bëhet me dije, nisi shantazhet duke i zhvatur plot 70 mijë euro.
Paratë janë marrë në këste të ndryshme nga viti 2014, kur italiani vendosi të shkëpuste raportet me shqiptaren.
Duke e kërcënuar se do t’i tregonte gruas së tij, shqiptarja i zhvaste fillimisht një pagesë prej një mijë deri në dy mijë eurosh çdo muaj.
Situata zgjati për vite me radhë derisa tregtari italian kërkoi ndihmë në polici.
Pagesa e fundit që shqiptarja kërkoi ishte 1.400 euro. Por, kur mori paratë asaj iu bë një surprizë nga karabinierët.
Pagesa e fundit ishte pikërisht kurthi për të. Tashmë gruaja do të akuzohet për zhvatje.
Nuk dihet nëse ajo ishte e martuar apo jo. Mediat italiane nuk japin informacion për identitetin e saj.
/b.d
