Ish kryeministri Sali Berisha ka deklaruar ditën e sotme se Britania e Madhe ia ka dorëzuar të gjitha dokumentet mbi motivet se përse e kanë shpallur ‘Non Grata’.
Ai tha se nga ana tjetër SHB-ja nuk ia ka dorëzuar, pasi sipas tij, do duhet të lobojë që të mund t’i marrë. Kjo për Berishën është korrupsion, që refuzonte ta bënte.
“Kam marrë dokumentet në Britani pse jam shpallur Non Grata, në SHBA për t’i marrë dokumentet duhet të lobosh, kjo për mua është korrupsion”, tha Berisha.
“SHBA-të kanë bërë kërkimet më të jashtëzakonshme për mua dhe fëmijët e mija. Dhe nuk kanë gjetur asgjë. Së pari unë nuk kam lobuar, asnjë qindarkë. Së dyti kam deklaruar se në momenti ne parë që do nxjerrin një provë të vetme largohem nga politika. Por nuk kanë nxjerrë. Mes të vërtetës dhe gjithçka je tjetër unë zgjedh të vërtetën. Mes interesit të vendi tim dhe gjithçka tjetër, unë zgjedh interesin e vendit tim. Unë kam bindjen se Amerika e vërtetë nuk është kjo e mafjozëve.
Në rastin konkret është urrejtja e George Sorros, sepse unë kam kërkuar në 2017 shpalljen e tij non grata. Jam që të ndëshkohet çdo njeri që ka kryer krim, për të cilin ka të dhëna të qartë.
Më rastisi të provoj dy procedura. TË SHBA-ve dhe të Britanisë. Britania më ndihmoi shumë sepse unë mora të gjitha dokumentet e arsyeve të shpalljes non-grata. Nëse për të marrë dokumentet e SHBA-ve duhet të lobosh, Britania nuk e ka këtë. Britania ka ligjin që u morr vendimi.”- tha Berisha./m.j
