Një 38-vjeçar me origjinë shqiptare është arrestuar nga karabinierët pasi ka dhunuar dhe kërcënuar me jetë gruan e tij.
Mediat vendase raportojnë se shqiptari, identiteti i të cilit nuk është bërë publik, jeton në Monza dhe është baba i tre fëmijëve të vegjël.
Po ashtu bëhet me dije se dhuna që 38-vjeçari ushtronte ndaj bashkëshortes së tij ishte e vazhdueshme dhe tre fëmijët e tij të mitur kanë qenë dëshmitarë të gjithë tmerrit që ka përjetuar nëna e tyre.
“Do të të djeg të gjallë”, ishte ky kërcënimi i fundit që shqiptari i bëri gruas së tij, dhe tentoi që ta godiste me çekiç.
32-vjeçarja kishte ulëritur në banesë dhe kanë qenë fqinjët ata që i erdhën në ndihmë duke e shpëtuar nga dhuna dhe njoftuan policinë.
Tashmë shqiptari është arrestuar nga policia dhe u dërgua në burgun e Monzas.
/a.r
