Ylli i ABBA , Bjorn Ulvaeus dhe gruaja e tij Lena janë ndarë pas 41 vitesh martesë. Çifti u martua në vitin 1981 dhe kanë dy fëmijë së bashku. Kanë qenë vetë ata që bënë me dije se do të divorcohen, por “do të mbeten miq të mirë“.
“Pas shumë vitesh të bukura dhe plot ngjarje, ne kemi vendosur të divorcohemi”, tha çifti në një deklaratë të përbashkët, dhe të shpërndarë në llogarinë zyrtare të klubit të fansave të ABBA në Tëitter. “Ne mbetemi miq të ngushtë dhe të mirë dhe do të vazhdojmë të festojmë së bashku ditëlindjet e nipërve dhe festimet e tjera familjare”.
Çifti u takua në një festë të Vitit të Ri në shtëpinë e anëtarëve të grupit ABBA. Grupi i famshëm muzikor u formua në Stokholm në 1972 përpara se të fitonte Eurovision Song Contest në 1974 me këngën e tyre “Waterloo”. Ata vazhduan të gëzonin famë të madhe globale falë hiteve të tyre.
/a.r
