Ndërkohë që opozita jashtëparlamentare është shprehur kategorike kundër uljes në çfarëdo lloj tryeze diskutimi, për sa kohë Edi Rama është kryeministër, ishdeputeti Nard Ndoka, kryetar i PKD ka deklaruar se do t’i përgjigjet pozitivisht ftesës së ambasadorit të OSBE, Bernd Borchardt që opozita të marrë pjesë në tryezën për Kodin Zgjedhor.
“Unë ftesën e Ambasadorit të OSBE e konsideroi pozitive. Edhe vetë OSBE e kupton se opozita jashtë Parlamentit, e ka një arsye politike që është aty ku është, e respekton për peshën që ka, për atë që përfaqëson.
Do të marr pjesë në tryezë se për ne është shumë e rëndësishme reforma zgjedhore.
Nuk është ajo shkaktare e krizës. Ne kemi platformën tonë.
Sot nuk jemi jashtë parlamentit për Kodin Zgjedhor.
Me këtë Kod, Rama i ka blerë zgjedhjet. Duhet një ndëshkim i këtyre hajdutëve.
Ne do të marrim pjesë në tryezën për Kodin Zgjedhor, por problemi është Rama dhe jo Basha”, ka deklaruar Ndoka nga tryeza e emisionit “Arena”. /l.m
