Një deputete britanike është dënuar me 10 javë burg pasi kishte kërcënuar shoqen e partnerit të saj për disa kohë, duke e paralajmëruar se do i hidhte acid.
Ndaj Claudia Webb, gjykata vendosi edhe 200 orë shërbim në komunitet.
Deputetja 56-vjeçare u shpall fajtore pas kërcënimeve të vazhdueshme ndaj shoqes së partnerit të saj. Ajo i kishte thënë asaj se do t’i hidhte acid në fytyrë ose do t’i postonte fotot e saj nudo.
Deputetja, anëtare e Partisë Laburiste, u përjashtua nga partia e saj dhe tani ka mandat si e pavarur.
Ajo mund të humbasë vendin e saj nëse 1 % e votuesve në zonën e saj elektorale mbështesin një peticion në internet në favor të dorëheqjes së saj. Webb ka paralajmëruar se do të apelojë vendimin e gjykatës./m.j
