Një telefonatë anonime vuri Athinën në gatishmëri pas një alarmi për bombë në aeroportin ndërkombëtar.
Sipas telefonatës së bërë rreth orës 09:35 me orën lokale në aeroportin “Eleftherios Venizelos” është vendosur një pako shpërthyese.
“Të evakuohet aeroporti. Do të bëhet njësoj si në Bruksel. Ky nuk është njoftim i rremë”, u tha gjatë telefonatës.
Policia menjëherë nisi kontrollet në aeroport për të verifikuar vërtetësinë e telefonatës, përcjell Shekulli.
Ky kërcënim vjen një ditë pas sulmeve terroriste në aeroportin dhe metronë e Brukselit, ku humbën jetën 34 persona dhe u plagosën më shumë se 200 të tjerë.
