Kryetari i Partisë së Lirisë Ilir Meta, ka zhvilluar sot një takim me strukturat në zonën e Kombinatit.
“Rikthehem në kombinatin shumë modest e punëtor e dinjitoz. Jam i sigurt se bashkë do të kemi një rrugëtim të suksesshëm për të përballuar sfidat për të cilat ka ardhur PL në politikë, por për të cilat është e përkushtuar jo vetëm lidershipi i kësaj force por edhe një anëtarësi e jashtëzakonshme me traditë të shkëlqyer në LSI dhe prurjet e reja që e kanë të qartë se kjo tirani e pashpirt e cila i ka varfëruar shqiptarët gjithë këto vite, kërkon të shtypë e frikësojë për të mos kërkuar të drejtat që u takojnë do të përmbyset falë triumfit të lirisë.
Do ta ekzekutojmë frikën kudo përpiqen ta mbjellin. Do të rikthejmë demokracinë e rendin kushtetues e barazinë e të gjithëve para ligjit.
Do nisja me vitin e ri shkollor se janë kaq shumë fëmijë që po e presin 12 shtatorin dhe kaq shumë prindër të preokupuar që fëmijët të nisin një vit shkollor të mbarë. Kam dëgjuar shqetësimet e tyre për cilësinë e sistemit arsimor që është përkeqësuar çdo vit. 50 përqind e në rritje analfabetimi funksional në vend.
Sa herë qeveria prek buxhetin të parin herë është arsimi siç ndodhi edhe këtë vit dhe i pari ku shton fondet janë koncesionet. Një qeveri që nuk ka prioritet arsimin nuk ka si të ketë ë rinjtë dhe të ardhmen, Arsimi nuk duhet prekur as në kohë krize. Është pikërisht dështimi i sistemit arsimor, pse familjet largohen nga Shqipëria ku kërkojnë një mundësi më të mirë”, u shpreh Meta./m.j
