Ish-banori i Big Brother VIP Kosova 4, Labinot Rexha, ka surprizuar ndjekësit me një propozim të veçantë për rikthim në formatin e reality show-t.
Përmes një postimi në Instagram, Rexha ka publikuar një fotografi me ish-finalistin e Big Brother VIP Albania 5, Rogert Sterkaj, duke lënë të kuptohet se të dy janë të gatshëm të hyjnë sërish në Big Brother.
“Ne po presim ofertën nga Big Brother VIP Kosova ose Big Brother VIP Albania që të hyjmë si një lojtar dhe do ta bëjmë histori”,ka shkruar Labinoti.
Kësaj here, Labinot Rexha nuk ka kërkuar rikthimin vetëm, por së bashku me Rogert Sterkajn, me të cilin ka edhe një bashkëpunim muzikor. Dyshja kanë publikuar më herët këngën “Bomba”.
Mbetet për t’u parë nëse kjo deklaratë do të mbetet thjesht një dëshirë e dyshes apo do të marrë një përgjigje nga produksionet e Big Brother VIP Kosova apo Big Brother VIP Albania.
Një hyrje e përbashkët e Labinotit dhe Rogertit në format sigurisht që do të ngjallte interes dhe kuriozitet te publiku.
