Me një tjetër videopostim, ku në qendër janë raportimet e ministrave në ditën e dytë të takimit në Pogradec, kreu i qeverisë përforcoi projektin e tij për shërbim ndaj qytetarëve dhe rritje të performancës institucionale.
Kryeministri Edi Rama ka reaguar sot pas takimit dyditor në Pogradec, ku u diskutuan me ministrat e kabinetit qeveritar dhe drejtuesit politik të Partisë Socialiste në qarqe prioritetet e sezonit të ri qeverisës dhe objektivat për vitin e dytë të mandatit.
Në një postim në rrjetet sociale, Rama shprehet optimist për vijimin e punës së qeverisë, duke vënë theksin te përdorimi i Inteligjencës Artificiale në administratën publike.
Sipas Ramës, një prej synimeve kryesore është krijimi i një “pasqyre unike”, përmes së cilës qytetarët do të mund të shohin në kohë reale veprimtarinë e shtetit.
Kryeministri thekson se, përmes këtij sistemi, çdo hall apo kërkesë e qytetarit do të ndiqet nga sistemi deri në momentin e dhënies së përgjigjes.
“Prioritetet e sezonit të ri qeverisës dhe krijimi i pasqyrës unike, ku edhe falë Inteligjencës Artificiale shteti do të jetë në sytë e qytetarëve në kohë reale dhe halli apo kërkesa e qytetarit do të ndiqen nga sistemi deri në dhënien e përgjigjes, më bëjnë shumë optimist për suksesin vitit të dytë të mandati”, shkruan Rama.
Deklarata vjen pas dy ditëve takime intensive në Pogradec, ku qeveria ka diskutuar prioritetet dhe objektivat për fazën e ardhshme të mandatit.
Ti thua tani mbase shume vitesh,do ndiqet cdo hall i qytetarit,pore mose harro nji gje.Tani edhe qytetari e qytetaret,e dine se eshte mashtrimi rralles,i joti e qeverise hajdute tende.Ju jeni te pa ndreqeshem,veset tuaja e hajdutve tuaj nuke rregullohen kurre.Prandaj bene mire ti k/hajduti me hajdutet tuaj ti bindeni thirrje se protestuesve te jepni dorheqien sa me shpejte,eshte ne te miren tuaj.E underta do te detyrojne protestuesit te largoheni,ju e ortaku juaj monstra e vicidolit,shkatrruat popullin e vendin.