Mëngjesin e sotëm, kryebashkiaku Erion Veliaj në startimin e Maratonës së Tiranës mbajti fjalën e tij përshëndetëse për gjithë pjesëmarrësit e Maratonës. Veliaj ka marrë pjesë në dy edicionet e shkuara, por këtë vit ai konfirmoi se nuk do jetë pjesëmarrës, sepse është bërë baba.
“Të gjithë më kanë pyetur a do marrë pjesë. Dje u bëra me djalë dhe më duhet të vrapoj drejt maternitetit. Kërkoj ndjesë, por këtë vit do bëj një pauzë”, është shprehur Veliaj.
Atë e pyetën dhe për emrin e djalit, por nuk e zbuloi.
“Më duhet ta konsultoj me bashkëshorten emrin e djalit, por është e sigurt që do jetë emër shqiptar dhe pak “tirons“, tha ai.
a.ç
