Kryeministri Edi Rama ishte i pranishëm në Konferencën e Dytë Ndërkombëtare të organizuar nga Akademia e Sigurisë ku mbajti një fjalë përshëndetëse për aktivitetin. Gjatë fjalë së mbajtur, shefi i qeverisë u ndal edhe tek operacioni “Forca e Ligjit”. Ai tha se prioritet mbetet goditja e aseteve dhe kateve të larta të krimit.
“Vijimi i goditjeve për të shkatërruar grupet kriminale, mbetet prioritet. I kthehem edhe njëherë peracioni ‘Forca e Ligjit’ që do synojë kate më të larta dhe nyje më të thella të krimit të organizuar që kanë qenë shumë larg fokusit të goditjeve të mirëfillta, por çka është më e rëndësishme ëhstë shënjestrimi i aseteve me origjinë kriminale, duke i zhveshur këto rrjete nga mundësia e rikthimit”, tha Rama.
Kryeministri u ndal te reformimi i Akademisë së Sigurisë për të qenë e përgatitur në luftën kundër krimit që aktualisht sipas tij po shfrytëzon edhe teknologjitë që dikur kanë qenë monopol i shtetit. Sipas kryeministrit, tashmë krimi kërcënon me keqpërdorimin e teknologjive.
“Jetojmë në një kohë ku zhvillimet revolucionare në zhvillimin e teknologjisë përbëjnë sfida më vete për institucionet ligjzbatuese. Jemi të vetëdijshëm që falë këtyre zhvillimeve nuk është vetëm shteti, nuk është vetëm trupa e angazhuar në luftën kundër krimit që mund të përfitojë por edhe vetë rkimi nga ana tjetër. Sot është bërë e mundur që kushdo të ketë akses në teknologji që kanë qenë monopol i shteteve. Për këtë arsye grupet kriminale sot kanë kapacitet të lartë keqpërdorues të teknologjive, në funksion të qëllimeve të mbrapshta”, deklaroi Rama.
Më tej kryeministri u ndal te roli që duhet të ketë Akademia e Sigurisë. Ai tha se me rihapjen e akademisë vihet re përmirësimi cilësor i policimit.
“Lufta kundër krimit është një luftë që në radhë të parë zhvillohet në fushën e inteligjencës së mirëfilltë, në kuptimin e mendjes. Dhe roli që po merr akademia e sigurisë në funksion të rritjes së kapaciteteve në këtë fushë është vërtetë kyç. Rëndësia e mendimit për t’i kthyer policisë akademinë në vitin 2015, pas 7 vitesh mungesë të pashpjegueshme, provohet në cilësinë e policimit në çdo skaj”, tha shefi i qeverisë.
Rama u ndal më tej edhe te Vettingu në radhët e policisë, që sipas tij do të bëjë apstrim të plotë nga perosnat problematikë.
/a.m.
