Ministrja e Shtetit për Marrëdhëniet me Parlamentin ka replikuar me deputetin Vangjel Dule, duke i thënë atij se “po stolis protestën që ka thirrur Sali Berisha”.
Gjatë fjalës së saj në Parlament, Spiropali tha se ata janë kapur pas fijes së flokut të Sali Berishes, ndërsa theksoi se Kuvendi është shndërruar një arenë e shpërdorimit të gjuhës shqipe.
“Dule kam një pyetje për ju, do e stolisni protestën e katranit që foli tani. Duhet të dini se nëse ka një stoli që i është rënë në qafë këtij kuvendi, ai është fjala e gjuhës shqipe. Të eruar nga inati dhe mllefi ata i largohen pushtetit
Është e njohur sindroma ah ckam bërë unë kur isha aty dhe ah cdo bëja po të isha aty.
Janë katandisur që gjuhen e kane kthyer në mjet kriminal të besimit. Nuk ka krim më të madh, sesa ta kthesh sallën e kuvendit në një arenë të tillë të shpërdorimit të gjuhës shqipe. Ne sot duhet të diskutimin me gjuhën që na takon.
Po c’ti bëjmë ne që ju jeni kapur pas flokut të Saliut. Sa më shumë kapeni pas flokëve të tij, për qytetarët jemi ne këtu që përpiqemi. Vetëm ju nuk merreni me qytetarët, ju doni të nxisni turmat që të shpëtoni Saliun. Ju jeni stolia dhe bizhuja e grupit. Ne jemi përballur me krizat, duke ideuar dhe realizuar projektin social.
Këtë nuk ja mohoni dot qeverisë shqiptare. Po të ishin ato spitale dhe ato qendra shëndetësore ahur që latë ju, të jeni të sigurt që kushedi sa çudira do kishim parë me shëndetësinë shqiptare”, tha Spiropali.
Me heret kreu i PDBNJ-së, Vangjel Dule nga foltorja e Kuvendit deklaroi se akti normativ për kompensimin e çmimeve që pritet të miratojë sot qeveria i jep mundësi oligarkëve.
Sipas Dules nuk janë më oligarkët klientë të qeverisë, por kjo e fundit kliente e tyre. mes të tjerash Dule tha se kjo qeveri është qeveria e mirëqenies së shifrave dhe e mjerimit të qytetarëve.
“Duke ju ndjekur me shumë vëmendje dhe respekt zonja ministre, në seancat dhe fjalët tuaja, karakterizimi i qeverisë së mirëqenies së shifrave dhe mjerimi i qytetarëve është më i përshtatshmi. Ju dëgjoj me agoni që bëni një fjalim që nuk ju shkon. Nuk ju akuzon kush, as ministren e Financave, as të Shëndetësisë as Zotit Majko që jeni ju shkaktarë të rritjes së krizës së çmimeve. Kriza ka dy anë, ata që përfitojnë dhe ata që humbasin. Dikush fiton dhe dikush humbet, shuma në fund është zero. Qeveria është një nga fituesit e kësaj krize. Shifrat i dini, janë në rritje të dukshme. Për kohezionin social dhe paqen sociale, se shoqëria jeton në kushte te pabarazisë. A i keni këto kritere në politikëbërjen tuaj. Çfarë bëri politika gjermane? Reduktoi çmimin e benzinës me 30 cent. Qytetari gjerman që ka të ardhurat për frymë 49 mijë dollarë e blen benzinë më lirë se sa qytetari shqiptar”, tha Dule.
Sipas tij “Përse i propozon Kongresi Ramës që të heqë taksën federale? Deklarata e timonierit tonë, gjeniut të financave, thonë; taksat e naftës nuk do të hiqen. S’ka protestë me foni dhe drita apo me X5. A e shikoni mjerimin tuaj politik dhe retorik zonja të nderuara. Ju vini sot me një akt normativ me të cilin nuk përpiqeni që të fshihni karakterin tuaj klasor. Pozicionoheni me oligarkët. Nuk ju intereson çmimi i miellit, i karburantit, por i hekurit i çimentos, pasi janë klientët tuaj. Jeni qeveria e oligarkëve. Ju nuk keni përgjegjësi qytetarët. Juve jua keni vjedhur votën. Ju jeni qeveria, që nuk janë më klientët tuaj oligarkët, por ju klientët e tyre. Ju vini sot për të konkretizuar me ligjvënie në parlament interesat tuaj. Ju vini dhe miratoni një akt normativ që është kryekëput i interesave të korrupsionit.”, tha Dule./m.j
